O stidda bedda, risplendente ogn’ura
Vera Matri di Diu bella Regina
sempri virgini intatta e sempre pura,
Porta felici e rosa senza spina.
Da Gabriele salutata allura,
facistivu a l’infernu gran ruina;
Mutanna d’Eva Lu nomu fallaci,
datici soda la fini e la paci.
Padre Nostro, Ave Maria, Gloria al Padre
Ostidda di mari, vi voghiu guardari così vinirà,
in chistu me cori, la tranquillità,
Evviva Maria, Maria sempre evviva
Evviva Maria e Dio che la creò
e senza Maria sarvari nun si po’.
Sciugliti o Matri, li catini forti
Illuminati l’accecati menti,
Alluntanati li mali e la morti.
Li nostri beni procurati attenti
Mustrati d’essiri Matri e nostra sorti:
Placati l’ira di l’Onnipotenti;
E si dassiva a Gesù pi nui la vita
Dati per illu a nui speranza e aita.
Padre Nostro, Ave Maria, Gloria al Padre
O bella Maria, vui siti assai pia
Ogn’alma Lu sa,
Na Matri cchiu duci
Lu munnu nun ha.
Evviva Maria, Maria sempre evviva
Evviva Maria e Dio che la creò
e senza Maria sarvari nun si po’.
Virgini singulari e Matri amanti
fra tutti la cchiu duci e la cchiu miti
Faciti nui manzueti e santi,
Vui li catini di st’arma sciughiti
La vita pura ci mittiti avanti,
Lu sicuru camminu vui ci apriti
così videmmu in cielu vostu Figghiu
Nui gudiremo la Rosa e Lu Gigliu
Padre Nostro, Ave Maria, Gloria al Padre
La Rosa e Lu Gigliu,
Maria e so Figghiu
chiamatu Gesù:
stu sciuri d’amuri e d’ogni virtù
Evviva Maria, Maria sempre evviva
Evviva Maria e Dio che la creò
e senza Maria sarvari nun si po’.
Sia lodi a Dio che è Patri onnipotenti
E a so Figliu Gesù Cristo puru,
e a lu Spiritu Santu amuri ardenti
in tutti tri un sulu Diu aduru,
sia lodi ancora a Vui Maria,
esenti d’ogni peccatu e d’ogni neu impuru.
Faciti ch’a la morti st’arma mia
Dicissi viva Diu, viva Maria.
